Michella Steenvoorde Lacle: E MAMA TEENAGER NO TA SU SO

Teenager Mothers to Life coaches

ORANJESTAD: Despues di a haci  entrega di mas di 700 famia pakete di cuminda na esunnan menos afortuna durante e temporada di Pandemia,  Fundacion ADRA a culmina un di nan principal esfuerzonan cu ta e graduacion di e programa Teenage Mothers to Life Coaches.

Un grupo grandi di hobennan a sigui e practica  tumando como ehempel e 8 jabinan di bida mas saludabel a bin hunto pa asina haya nan diploma.

E idea di e curso ta pa duna e mamanan teenager un segundo oportunidad, dor di un manera sumamente practico y efectivo, unda ta inclui les theoretico di entre otro cushinamento, cosemento, obra di man, beyesa, administracion basico y protocol.  Pero tambe tumando en cuenta etiqueta,salud mental y salud fysico.

Un danki na  CEDE ARUBA, hunto cu  KIWANIS PALM BEACH, Coordinador Centro Hoben y Famia hunto cu Monique  di  Wit Gele Kruis cu a traha inalcansablemente, e programa por a bira un realidad.

Michella Steenvoorde Laclé, den representacion di cie. Voortgezet Ouderschap  “Plan di Mayor Obligatorio” tabata invitado na e graduacion, na unda a sigui di serca loke e graduadonan a trece dilanti, encuanto e importancia di e curso y e significado y cambio cu e ta efectua den nan bida.

Marta Angela (24) tin tres yui, y a saca lo maximo di e les di cosemento.

Kristel Balseca a enfoca mas riba les di administracion y a splica cu e Mama jong su situacion ta hopi dificil, na momento di busca trabao y cu e lesnan di administracion esaki lo yuda pa traha un plan strategico y administra bo placa, hasta pa inicia cu un mini negoshi..

Sheila Herrera  a haya e les di protocol y etiketa hopi importante. Bo ta sinja sigur con pa set up un mesa, e manera corecto pa sinta/come/bisti/comporta. Mantene bo cas limpi y na ordo. Limpia bo cas di pafo bin paden y hopi detayenan cu ta yudabo structura bo bida y bo famia.

Ruthlene Paesch, su enfoke a bay  riba Salud Emocional esta Mental. Stress. E cursista a splica e problemanan y solucion en cuanto confushon, depreshon. Unda pa saca forza na momentonan di preshon di bida, pa ta fuerte pa mi jui y  stima bo mes pa bo por stima bo yui tambe. Controla bo rabia, pa bo no bisa cosnan cu bo ta arepenti di dje despues. E cursista ta sigui conta cu e la haya e oportunidad pa caba su scol y  hasta e lo sigui pa logra su  bachelors degree.

Mariana Martijn (24) tin un yui di 4 aña y ta conta di su experiencia na unda atravez di Fundashon Hoben y Famia, por a sigui diferente workshops pa asina asumi e responsabilidad di  lanta su jui y e problemanan cu e por enfrenta te na momento cu esaki tin12 aña. Mama y jui a bira lid di “hungateca” na Biblioteca di San Nicolas atravez di e programa pa asina di un manera structura y facil por presta coi hunga pa su jui.

Jiomary Orman (24) a elogia e division na unda a sinja obra di man, y traha e.o. badeau, reki pa colga accesorio.

E Mama Marjory Habibe (22) aña di edad, ta papia di Mr Willems cu ta duna nos les di cushinamento, algo cu ta di vital importancia pa implementa den practica como Mama Hoben.

Como persona mi ta evalua e importancia di e programa “From Teenage Mother to Life Coach” organisa pa ADRA, Advantace Development Relief Agency 2009 cu ta haci proyectonan na beneficio di esunnan menos afortuna.

Michella Steenvoorde Laclé, e motor tras di e “Plan pa Mayor Obligatorio” ta splica cu e “Plan pa Mayor Obligatorio” por wordo implementa como anexo den e programa programa aki den su totalidad pa asina brinda e mamanan hoben un tool mas pa structura e crianza di nan yuinan.

“Un pabien y palabra di aprecio ta bay na Alcidia Janssen Richardson, directora di ADRA ARUBA  y su team, cu e programa precioso “From Teenage Mothers to Life Coaches”, na unda ta duna e mamanan teenager un segundo oportunidad.” Michella ta vocifera.

 Si e Mama hoben,no a  termina su scol, e ta haya e oportunidad dor di ta activamente inclui den solucionan pa logra esaki y despues ta prepara pa haya un bon trabao. Emocionan y circumstancianan  NO ta forma un estorbo asina den e hoben su bida. E por enfrenta mucho mas  como mama hoben. Algo di aprecia.

Share:

Leave a Reply

Your email address will not be published. Required fields are marked *