![](https://www.awe24.com/wp-content/uploads/2021/07/1BEB7E2F-7F2A-455F-AACC-B87398BA0013-614x334.jpeg?v=1626310943)
![](https://www.awe24.com/wp-content/uploads/2021/07/1BEB7E2F-7F2A-455F-AACC-B87398BA0013.jpeg)
ORANJESTAD, Aruba –14 di juli 2021 – Pa Aruba Bank e empleado ta central ora di priminti e clientenan “Un Experencia Superior”. Cu esaki den mente Aruba Bank ta nomina un empleado ehemplar tur luna.
E empleado cu ta escohi ta esun cu durante di e luna a haci su maximo esfuerzo pa brinda momentonan superior na tur esnan cu bishita Aruba Bank of haci uzo di un manera of otro di un servicio di banco.
Dayana Montanez a ser seleciona durante di luna di juni pa su positivismo y proactividad na momento di bai e extra miya pa atende cu clientenan y pa brinda un excelente servicio.
Aruba Bank ta felicita y gradici e miembronan di e famia di Aruba Bank cu a wordo nomina pa cliente y of colega pa yuda brinda tur cliente “Un Experiencia Superior”. Pabien Dayana!