Polis a detene chauffeur burachi cu a subi isleta ranca borchi trafico na e rotonde banda di Marriott

Diahuebs madruga a drenta informe di un accidente basta fuerte na e rotonde banda di Marriott, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu un chauffeur coriendo auto bao influencia a subi e isleta y a ranca un borchi trafico. Debi na e impacto aki e auto a keda cu wiel y bao di auto kibra y a basha tur e azeta riba caminda. Ora polis a atende cu e chauffeur a test e y ela supla hopi halto bao influencia. Polisnan a detene pero na e momentonan ey e chauffeur a rebeldia resisti su detencion y a recuri na insulta e oficialnan. Asina mes nan a hink’e den e vehiculo di transporte y a bay warda di polis cun’e pa pone den cel.

Share:

Leave a Reply

Your email address will not be published.