Diamars mainta a drenta informe di un caso di atraco banda di Kowloon den Emmastraat, mesora a dirigi un patruya na e sitio. Na yegada di e patruya a bin compronde cu un dama cu tabata tin telefon cu un homber a acerke y bis’e cu ela caba di ser atraca. E homber kende ta un colombiano cu permiso a declara cu un persona riba bicicleta a acerke pone un pistol preto na su barica y a exigi’e pa duna tur su placa una bez cu ela duna placa e atracador a core bay riba su bicicleta rumbo pabao.Unico cos e por a mira ta cu e persona tabata tin un t-shirt color cora bisti y carson preto riba un bicicleta. Mirando e ora y e sitio unda esaki a sosode polis a opta pa hiba e meneer warda di polis Oranjestad unda eynan atraco team lo bin atende y tuma su keho.
