Auto a accidenta y a keda kentel den banda riba caminda ostaculizando trafico den E.J. “Watty” Vos blvd. na rotonde Tanki Leendert!

Diamars mainta a drenta informe di un accidente cu hende herida riba e caminda di E.J. “Watty” Vos blvd. na altura rotonde Tanki Leendert, mesora a dirigi tanto polis como ambulans na e sitio. Na yegada di e patruya a topa cu un chaos den trafico y mester a regla esaki urgentemente. Pa locual ta e accidente ta cu un auto di huur di un compania cu ta duna rijles e chauffeur tabata coriendo cu velocidad masha halto y purba pasa memey a bay dal riba wiel cu wiel di un Toyota Corolla na banda robez di e caminda den e fila y a bay halto y kentel cay den banda mientras e Corolla door di e maniobra a ser pusha dilanti y a dal tras di un Mitsubishi s.u.v. DEn e Corolla door di e impacto cu mucha sinta dilanti na banda cu pa casualidad awe mester pasa su examen y tabata ser hiba school pa pasa esey a dal su cabez y ta asumi cu e lo a ricibi un hersensschudding. Un ambulans cu tabata bayendo su post bek pa baha warda a para y brinda asistencia na e prioridad cu a presenta y a atende e mucha mientras un otro ambulans a pasa pa buske. Na yegada di e otro ambulans nan a atende e victima hoben y a transporte pa hospital. Ban spera cu school por tene consideracion pa e mucha aki cu a hay’e den un accidente y no strobe pa e por supera su trauma y pasa su examen.

Share:

Leave a Reply

Your email address will not be published.