Diamars madruga a drenta informe di cu un dama di edad y cu sobre peso lo a cay fey cama na un cas den J.G. Emanstraat y na e cas no tin ningun hende cu hopi forsa pa yud’e bay bek riba cama, mesora a dirigi 2 patruya di Oranjestad pa yuda den e caso aki. Na yegada di e patruya nan a haya nan mes cu e prome contratiempo (problema) den e cas tin un cacho brabo cu hasta esnan den e cas mes e ta ataca y a pone diente pa polisnan tambe. Despues di varios intento y tambe un mordi un habitante a logra hinca e cacho den un camber. Ora polisnan a yega na e dama nan a topa cu otro problema nan no por a hisa e dama cu ta pisa asina hopi y a dicidi pidi refuerso di bombero, mientras e polisnan mes a haci un otro intento y cu un poder di Dios na e momentonan ey a logra hisa e dama y a pone riba cama.
