Calabas/Kudawecha – Shonnan e weekend aki ta ‘gameon’! Despues di mas c’un aña y mey di inactividad, e famoso, e unico, e “beruchte”, e unico Domino Square Garden multi-cultural na mundo, lo tene su espectacular torneo di domino atrobe! Diasabra awor, 31 di juli, cuminsando pa  8’or di anochi en punto, e trabuconan di TEAM SERO BLANCO lo enfrenta e batayon dinamico di TEAM PARIBA LEGENDS!

Shonan amante di domino nivel mundial, no perde e ocasion aki pa bin experiencia e prome bataya di aña 2021! Manera custumber, e bar lo ta “ijskoud” y e cushina lo ta “sizzling hot”! No solamente esey; Han, e diplomatico di Beijing, a priminti di trece mondkapjes special cu por pasa seña y pasaboca! Na ultima ora, segun nos coresponsal special na The Free Savannah University of Gossip Science, e conocido specialista di tecnica di censo, Dr. Phil, ta back in town! Despues di un tempo largo di ausencia, nos a bin tende cu Dr. Phil, miho conoci como “2 Slokjes” den vecindario di “The Rock”, tin un par di siman bek cu el a switch ta “Aquaman” pa “Mr. Barley, Malt, and Hops”!

Shonan, cos ta cayente, cos ta di bula un tabla diasabra awor 31 di juli, cuminsando pa 8’or di anochi, ora cu TEAM PARIBA LEGENDS enfrenta e legendarionan di TEAM SERO BLANCO na e unico Domino Square Garden na mundo, situa na Calabas, esta 99 Bar & Restaurant! Yega!