Diaranson mainta a drenta informe di cu un cacho lo a ataka un postbode banda di Arubiana Inn na Bubali, mesora a dirigi patruya na e sitio. Na yegada di e patruya na e sitio a papia cu e postbode cu a declara cu e tabata entregando post na un cas y dado momento un cacho a bin morde a su pia. Ora cu ela bira wak patras di dje ela mira un cacho grandi ta bay pa morde su pia. E postbode a reacciona liher y a core bay for di e sitio, ta bon mes un otro auto tabata pasando cu a distrae e cacho unrato y e postode por a huy, un persona a sali y yama e cacho y esaki a core bay bek den cura. Afortunadamente e postbode no a resulta herida. Polis a atende cu e donjo di e cacho y e donjo a hinca su cachonan patras den cura di cas pa asina no causa peliger pa otro riba caya.
