Famia problematico cu prohibicion pa drenta supermercadonan den area di Rancho y Madiki a haya nan mes mal sirbi!

Diahuebs atardi laat chinesnan trahando den un supermercado den Caya Eleuterio “Boes” Orman a haya un sorpresa desagradabel ora cu dos adulto y dos hoben a cana kibra den nan luga y cuminsa haci desordo pasobra no a permiti nan entrada. E asunto a yega asina leu cu nan mester a exigi nan sali di e establecimento. E hobennan en cuestion a bira razo y agresivo y nan a dicidi pa bin cu mas hende pa “take care” di e asunto aki. Riba algun grabacion di video den e establecimento por a mira claramente con mas persona a yega cerca. E problema a escala na tal grado cu un di e hobennan a pone cuchiu na garganta di un di e Chinesnan.

Un otro familiar di e supermercado Chines a sali tras di agresornan aki cu palo na defensa di su paisano. Nan tabata dos Chines, contra un grupo di persona cu a pone nan core sigur, despues cu a bisa nan cu lo yama polis. E dos Chinesnan tambe a resulta herida den e odisea aki, e prome ora cu un di e hobennan a manda piedra riba dje y a dal’e na su pia y e otro Chines a keda herida, na momento cu el a defende su mes. Na sitio testigonan ta conta con e hoben a pasa man pa baranca otro banda di caminda y purba agredi esnan di e supermercado. Ambulance tambe a presenta na sitio pa atende cu e Famoso famia miho conoci como “Glacial Boys” cu un biaha mas a bin purba nan suerte na otro supermercado. Nan a haya nan mal sirbi akinan tambe na momento cu Chinesnan a sali na defensa contra agresion y menasa formal di parti di e grupo aki.

Tin dos detencion a tuma luga, cual ta e dos trahadornan di e supermercado. Polis sigur a tuma nota di henter e asunto. Mas sigur investigacion y prueba di camara lo resolve e asunto.

Share:

Leave a Reply

Your email address will not be published.