Diaranzon merdia a drenta informe di cu tin un persona molestiando clientenan pidiendo placa dilanti di Tesco Supermarket na Jaburibari, mesora a dirigi un patruya na e sitio. Na yegada di e patruya ya caba e persona aki a bandona e sitio. E doño di e supermercado a declara di cu adicto ambulante tabata molestia y fastidia e clientela y cu ora ela yama polis e adicto ambulante a bay. Ora cu e patruya a bay ela bolbe na e sitio y cu e ta bisti cu un short shinishi. Bolbiendo bek na e sitio e patruya a topa cun’e y a atende cun’e pa su comportacion y a core cun’e for di eybanda. E adicto ambulante a compronde y a cana bay rumbo su cas na Zumbo unda e ta biba.
