Grupo di persona a bini den diferente auto baha bringa cu algun mucha den cura di E.P.B. na Sanicolas.

Diaranzon atardi a drenta informe si cu tin un pelea formal den cura di school di E.P.B. na Sanicolas, mesora a dirigi patruyanan na e sitio. Na caminda pa e sitio a drenta informe adicional cu ta algun otro persona a bini den diferente auto y a baha drenta cura di e school y cuminza bringa cu alumnonan. Na yegada di e patruyanan ya no tabata tin pelea mas y a bin compronde cu ningun alumno kier bisa kiko a pasa (pa nan mesun seguridad) ta via di maestronan a compronde cu aki ta trata di hobennan cu a bini den diferente auto y a baha bringa cu e muchanan di school y despues a bay den diferente auto. A alerta e patruyanan riba caya pa tira bista riba e cierto autonan y 2 diferente patruya a para 2 di e autonan concerni. Un a ser para pabao di Ling’s y e otro na Savaneta. Despues di a tuma e personalia di esnan cu tabata den e respectivo autonan a permiti nan pa sigui nan rumbo.

Share:

Leave a Reply

Your email address will not be published. Required fields are marked *