Kustwacht ta sigui score. 35 Persona cu a purba drenta nos isla illegalmente a ser captura y e capitan deteni pa traficacion di hende!

Diadomingo marduga un patruya di Warda Costa di Caribe Hulandes staciona na Aruba patruyando den nos awanan terrritorial pabao pazuid di Aruba, a tuma nota di un embarcacion riba lama direccion Aruba. Mesora a mobiliza den e direccion di e embarcacion cu tabata procedente di Venezuela. E oficialnan costero a duna instruccion pa e boto pa e para. A bin resulta cu e boto tabata biniendo Aruba cu 35 ilegal abordo.

Warda Costa a stroba nan entrada y a instrui pa drenta waf di Playa. Eynan a cuminsa un investigacion mesora. Nan a detene e capitan mientras a busca un bus di Arubus pa transporta tur demas illegalnan pa edificio di Warda Nos Costa pendiente un investigacion.

Esaki ta otro logro di Warda Costa di Aruba cu ta trahando duro pa evita entradanan di cosnan y tambe hende ilegal. A confisca e boto tambe den e proceso. Polis tambe tabata envolvi for di marduga den e proceso pa transporta e ilegalnan pa centro di Warda nos Costa banda di Aereopuerto.

A activa personal di DIMAS mesora pa procesa tur e posibel peticionnan pa “Asilo Politico” mesora awe mainta trempan di biaha, pa evita proceduranan largo y complica. Esaki ta un di e “aanlanding” nan di mas grandi den e ultimo tempo, cu a ser captura den e intento.

Share:

Leave a Reply

Your email address will not be published.