TEAM SNOR LO PURBA SU SUERTE ATROBE!

Calabas/Kudawecha – Ultimo tempo, un pa un teamnan grandi ta hayando sota, sea nan ta kere cu nan ta “Koninklijk” of dirigi door di “Cowman”. Den domino ta mes un tiro, y batacaso ta cay manera mango hecho fo’i palo. Diasabra awo, 2 di september, cuminsando exactamente pa 7’or di anochi, e conocido superstarnan di Team Snorkier laba e smaak vies cu a keda den nan boca despues cu Team Bou Palo a laga nan mal pega bou dje mata di kwihi dilanti dje unico Domino Square Garden na Calabas.

Si shonnan, e conocido Snor Perez, kier enfrenta nada menos cu doño di cas mes mes, esta home team di 99 Bar & Restaurant, esta Team 99 bou guia di grandmasterHan. Un bataya sigur sigur cu lo pone hopi wenkbrauw bay halto, ya cu ta conoci cu Han ta cu ‘mercenario’ so e ta deal pa hinca su team den otro. Ken esaki nan ta? Wel shonnan, yegaaa diasabra awor 2 di september pa 7’or di anochi pa bo ripara ta cua t’e ‘killernan’ cu Han e cera hunto pa enfrenta Team Snor! Manera di custumber, e pasapalonan por nada lo lora na ordo y e bar lo ta ice cold!

Share:

Leave a Reply

Your email address will not be published. Required fields are marked *