Diabierna madruga a drenta informe di cu tin un auto para memey caminda banda di e cruzada pa bay Rooi Lamoenchi, mesora a dirigi un patruya na e sitio. Na yegada di e patruya nan a haya e Nissan March oranje A75940 para memey caminda na e cruzada treciendo trafico na peliger. Den e vehiculo a haya un homber drumi kende a bisa cu su bateria a baha y a yega te ey, ademas ela declara cu ta pabao ey mes e ta biba. Ora a bay check e registro di number di auto a bin resulta cu esaki ta registra te na Santa Helenastraat. Polis mesora a detene e chauffeur y a solicita e vehiculo di transporte pa hiba e chauffeur warda pa test mientras a pusha e auto for di e caminda.
