• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

Diabierna mainta tempran a deenta informe di un accidente cu hende herida na Sabana Liber, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di e chauffeur di un Volkswagen Golf aparentemente bao influencia bayendo pabao cu velocidad halto net na e cruzada di Sabana Liber lo a bay na e banda robez di caminda dal e spiel y wanta lodo di un Toyota Vitz despues bay mas na robez dal un bus di Aruba Gone Wild Tours di direccion contrario cual chauffeur di bus asina mes cu ela baha caminda na man drechi toch e Volkswagen Golf a bay dal riba dje na e banda robez riba e wiel mandando e bus na man robez. E impacto tabata fuerte cu tanto e chauffeur como e pasahero a resulta herida pero e muchanan den e bus a keda spanta pero sano y salvo. Na yegada di e ambulans nan a atende e chauffeur y e pasahero den e auto y ambos a ser hiba hospital.