Diabierna mainta a drenta informe di un accidente dilanti WanLi den Lucianitastraat. Mesora a dirigi un patruya na e sitio. Na yegada di e patruya a bin compronde cu un chauffeur di un Nissan Sentra lo a subi caminda sin duna un otro Nissan Sentra preferencia y a dal e den banda. Despues e chauffeur a sali for di e auto y core bai na pia. Polis a confisca e vehiculo y tin e caso bao investigacion.
