Atraco arma na compleho di apartamento na Boegoeroei

Diasabra madruga mientras cu tur patruya di Noord tabata controlando banda di Arashi a drenta otro informe di cu tin hendenan canando cu arma di candela banda di un compleho di apartamento na Boegoeroei, Central di polis mesora a mobiliza patruyanan di Oranjestad pa bay tira bista. Na yegada di e patruya a bin compronde cu aki a sosode un atraco arma unda 3 persona color scur papiando spaño unda 2 di nan a pone arma di candela un color nickel y e otro color preto na cabez di e victima pa comete e atraco y despues a huy den un Nissan March color shinishi cu glasnan tinted. Autonan similar a ser para pa controla. Atraco Team hunto cu slachtofferhulp a ser yama pa presenta na e sitio y sigui cu e investigacion. Den transcurso di mainta nos lo trese mas informacion di e caso aki.

Share:

Leave a Reply

Your email address will not be published.