Diasabra atardi a drenta informe di cu tin un cas na candela na Concessielaan, mesora a dirigi tanto polis como bombero na e sitio. Na yegada di e patruya a bin compronde cu aki ta trata e mesun cas abandona cu algun dia pasa caba a ser cendi na candela. Segun testigonan net prome cu e candela a mira un adicto ambulante sali for di e cas en cuestion. Nan a duna polis e descripcion y e direccion cu esaki a tuma pa bay den Caya G.F. “Betico” Croes. Un otro patruya cu a haya e descripcion a topa cu e adicto ambulante aki y a detene dilanti di Dufry. Polis a detene y a bay warda di polis cun’e. Mientras bomberonan cu a yega na e sitio a domina e candela rapidamente.
