Homber drumi den auto full sera na lock no tabata lanta for di soño dilanti Vibe

Ni cuanto polis a bati na e bentana ni sacudi e auto, e tabata den un soño profundo

Diasabra madruga a drenta informe di un auto sospechoso para dilanti Vibe Bar & Lounge na Sero Blanco, mesora a dirigi patruyanan na e sitio. Na yegada di e patruyanan a bin topa cu e Nissan Platina y e chauffeur drumi profundamente den dje cu tur e portanan na lock, bentananan full sera y e motor paga. Polisnan a purba bati na e bentana, pone lus fuerte na su cara te hasta yanga e auto casi bolter, pero ni asina e no a lanta. Mester a yama un personal di garashi polis pa bini na e sitio pa asina habri e auto y wak ta kiko a pasa e chauffeur. Despues di a logra lanta e chauffeur polis a papia cun’e y a listra den e auto y polis a topa cu un bulto di placa scondi den e auto. Polis a confisca esaki pa mas investigacion.

Share:

Leave a Reply

Your email address will not be published.