Dialuna madruga a drenta informe di un accidente na Caya Pan Bati, mesora a dirigi un patruya na e sitio. Na yegada di e patruya a bin encontra e pick-up accidente cu a drenta un pida mondi y 2 persona banda di e vehiculo tratando di start e. Polis a nota e conocido “Keeshi” sinta den e auto tras di stuur polis a puntr’e di ken e auto ta anto e otro persona a bisa cu ta di su mama y ela fia esaki. Polis no a confia e asunto mucho y a bay controla e number y esaki ta pertenece na un persona di e fam F. di Savaneta. Polis a puntra Keeshi un biaha mas y esaki a admiti di a haya e auto aki para na Noord Cura Cabay cu e yabi den dje y a bay cu esaki. Mesora polis a detene “Keeshi” pa ladronicia di auto y core bao influencia y accidenta cun’e.