https://youtu.be/bZOp_wy_gzI- Diaranzon madruga a drenta informe di un accidente cu hende herida y e auto a pega candela na e rotonde pabao di F.T.A. na Sanicolas, mesora a dirigi tanto polis, ambulans como tambe bomberonan na e sitio. Na yegada si e patruya a nota cu e auto Chevrolet Aveo A52573 ta completamente na candela y a pasa casi full over di e rotonde y e chauffeur tin kap na cabes y tabata pafor di e auto. Na yegada di e ambulans nan a atende e victima na e sitio mes. Na yegada di bombero nan a paga e candela y a pidi Elmar bini na e sitio ya cu ta e palo di lus otro banda di e rotonde a wanta e auto biniendo for di pabao. Despues cu ambulans a atende e victima na e sitio mes polis a detene e chauffeur pa a core bao influencia y ocasiona un accidente. E chauffeur un hulandes europeo tabata haci masha dificil y tabata hopi fastioso pero asina mes polis a detene y a bay warda di polis cun’e.
