Chauffeur arma y peligroso a ranca polis su man lastr’e te kibra su man lague herida na Boegoeroei

 

Diadomingo madruga despues di e informe di 2 persona cu arma di candela na e hotzone banda di e highrise hotelnan, polisnan a keda riba un alerta. Na altura di Sherwin Williams na Boegoeroei nan a para e Toyota Tercel berde A 34229 y ora a nota e chauffeur a mira cu e tabata cuadra cu e descripcion duna di un di e sospechosonan arma y a avisa e otro patruyanan, un otro patruya a bisa e nomber di e sospechoso via e radio di e polis y aki e chauffeur a ranca e man di e agente y a lastr’e un pida te kibra su man y djey e sospechosoa primi trot bay pero a dal den acera y kap su tire. Ambulans a aser pidi pa e colega, na yegada di e ambulans nan a atende e oficial y a transporte pa hospital. E sospechoso a core un pida mas leu y a para e auto baha bay lague y sigui na pia den coremento. Despues di un rato cerca di unda e incidente a pasa polis a encontra cu un arma di candela y a confisca esaki. E auto cual a ser laga cerca polis a confisca esaki tambe. Varios patruya como tambe e helicopter a bin yuda busca den e area pero no a logra encontra cu e sospechoso. E agente policial a ser someti na operacion urgente y gracias na Dios tur cos a bay bon.

Share:

1 thought on “Chauffeur arma y peligroso a ranca polis su man lastr’e te kibra su man lague herida na Boegoeroei

Leave a Reply

Your email address will not be published. Required fields are marked *