Dialuna atardi a drenta informe di un caso di intermediacion na un negoshi pa repara telefon celular na Sero Blanco, mesora a dirigi un patruya na e sitio. Na yegada di e patruya a bin compronde cu un dama cliente no tabata contento con nan a drecha su cel. Algun siman pasa ela trese su cel pa drecha e pantaya pero awor e pantaya a bolbe daña awor e dama kier su placa bek. Ora polis a papia cu e gerente esaki a indica cu e dama a hiba e cel na un otro lugar unda ya den e caso aki e ta perde su garantia y e ta kibra tambe. E dama a bisa cu ela hiba e cel na un otro lugar unda cu nan a bis’e y mustr’e cu e pantaya no ta original. Polis a splica ambos con e situacion ta y e camindanan pa cana.