Den e grand ballroom di Aruba Marriott Resort & Stellaris Casino diabierna ultimo dia 13 di mei, e ekipo di Payroll Pro HRM a demostra na e interesadonan con pa traha cu e mobile app nobo.
E mobile app aki ta facilita pa un empleado por mira tur su informacion personal riba su celular, caminda e por download su payslips, download su wage tax cards, pidi vakantie, pidi overtime of meld ziek, chat cu HR y hopi mas accionnan na un manera mas facil y eficiente. Alabes e ta haci e trabou di un HR manager mas liher door cu no tin peticion ta drenta via email of via formulario, asina eliminando e uzo di papel pa e trabou aki, y mas importante por medio di aprobacion e peticion por bay di biaha den e payroll.
Tambe a mustra e Manager Portal cu ta un web based tool cu ta percura pa managers of supervisors di departamentonan por maneha nan mesun ekipo mas direct for di unda cu nan ta.
Den e Manager Portal un manager por aproba of rechasa tur peticionnan di su empleadonan, e por mira e ocupacion di su departamento den un solo bista, e por evalua su trahadonan, e por mira e costonan di overtime di su departamento y hopi mas. Ademas e data y analisis den diagramnan colorido y rapportnan ta yuda e manager raporta mas miho nan su directornan.
Jane Wever-Vermaas, Sales & Marketing di VCC International NV, representante di Payroll Pro HRM: “ Mescos cu e programa Payroll Pro HRM, e app aki a wordo desaroya door di compania local Gamma It Solutions. Como rubiano nos por ta hopi orguyoso cu Payroll Pro HRM ta e programa pa payroll y HRM mas uza y confia den ful Caribe, Surinam y tambe Jamaica.
Masha danki na tur esnan cu tabata presente pa siña mas over di nos app y nos kier a extende un danki di curason na e ekipo di Aruba Marriott Resort & Stellaris Casino pa nan bunita set-up, dushi desayuno y mas importante pa bay ‘the extra mile’ cu semper un sonrisa riba cara.
Payroll Pro HRM, e programa desaroya na Aruba door di programmeurnan local, ta existi desde 1993 y ta e software di HR y Payroll mas uza na Aruba y Caribe en general.
