Diabierna anochi a drenta informe di un accidente basta serio unda hasta un auto a bolter, mesora a dirigi tanto polis ambulans como tambe e equipo di rescate di bombero. Na yegada di e patruya a bin compronde cu aki ta trata di un chauffeur burachi manehando un Jeep cu velocidad halto y cu a bay na su man robes, baha caminda, dal un Honda Civic staciona dilanti un cas pusha esaki dal den barancanan y finalmente bolter cu su Jeep Wrangler cu a cay parcialmente riba dje. Polis a nota un kap grandi na cabes di e chauffeur y como ela keda pega bay di e Jeep a pidi tambe pa e equipo di rescate di bombero. Na yegada di e ambulans nan a cuminsa atende e victima y na yegada di bombero a inicia cu e trabaonan pa libera e victima. Unabes cu a libere a hinke den e ambulans y a sali bay pa hospital.