![](https://www.awe24.com/wp-content/uploads/2022/08/C3D0EE37-9800-4C9E-A279-0BF2EB2F22FD-668x334.jpeg?v=1660420627)
Diabierna anochi a drenta informe di un accidente banda di ex- House of Cheng riba Sasakiweg, mesora a dirigi un patruya na e sitio. Na yegada di e patruya a bin compronde cu e chauffeur burachi a bini cu velocidad halto for di e hotel area y na ultimo momento a brake y no a logra para na tempo y a bay dal e borchi trafico riba e isleta. Como e chauffeur tabata burachi polis a detene y a confisca e auto Chevrolet Optra liftback.