TANKI LEENDERT – FEBIAR, e Federacion di Biyar Arubiano, a start sali manera tur aña cu su “main event”, e campeonato anual pa ekiponan di biyar bola 8. Un evento cu desde decada 90 ta carga nomber di “biyar pa nervio di hero”! Den ultimo evento nos por a wak aya n’e palacio di biyar na Tanki Leendert, esta T&T Billiards, con e famoso ekipo di decada 70, Barracuda, a enfrenta e ekipo di Mongoose, e bestia mas lihe cu culebra! Cos no a bay mucho “fast & furious” si pa Mongoose, ya cu varios di esnan di Barracuda cu a logra scapa ora porta di santana a keda habri tabata tin un “pretpakket” n’e “Mogoosjes” nan.
Barracuda ta sali style di “one for the rest, the rest for thebest” ora cu D’Angelo Odor ta perde 2-0 cu RalphAndrews di Mogoose. Mes ora porta di santana ta dal habri style di thriller y Ransley Tromp ta tuma vengansa cu 2-0 ariba Alton Burke. Siguientemente Aaron “The Baron” Franken di Barracuda ta rementa Patrick Henriquez cu 2-0 fo’i otro; Richard “The Big Bad Wolff” ta pone NoeCantana plat cu 2-0; “D’Gun” Acosta hunto cu Brandon ta dal Robby y Ruud di Mongoose cu 2-0, y pa cera e porta di santana cu broche di ora, all-timer Pedro “mal ehempel” La Rosa ta dal sali manera un zombie klap AldinoEmerencia cu 2-0, pa dje fashi aki Barracuda pasa manera un wals di placha asfalt laga Mongoose plat platcu score di 5-1!
N’e otro mesa, cos no a bay dje facil ey si p’e ekiponan di Mad Dogs, bou guia di capitan Tico Tromp, y Steelers, bou guia di “el bon bon de siempre” Elvis Evertsz! Marc Farrodi Steelers ta habri score cu 2-1 contra Errel Tromp. Maikel Maduro di Mad Dogs ta empata bek y ta dal Fredley cu 2-1. Mad Dogs ta bay dilanti cu 2-1 ora cu nada menos cu Richard Gomez dal un “reencarnacion” contra Martin Apeldoorn y ta suta Martin cu 2-0! BetoSaladin di Mad Dogs ta amplia e score pa 3-1 ora e ta dal Emile Kock mortalmente cu 2-1! Ladramento di cacho brabo ta cuminsa yena e palacio di biyar!
Albert Geerman y Manuel di Mad Dogs ta gana ScotchDoubles cu 2-1, y sensacionalmente Mad Dogs ta yega “top of the hill” cu score di 4-1!
Pero, ainda Steelers tin rosea! Roukus T ta dal AndyGeerman 2-0; Gunnar Leonardo ta dal Allan van aanholt2-0, y n’un manera convincente Steelers ta corta bentaha te na 3-4! Por ultimo, capitan “Le Bonske” Evertsz ta hiba un bataya heroico pero en vano contra heavy weightArmand Ridderstap, y cu 2-0 Armand ta placha Elvis pa dje moso aki Mad Dogs triunfa cu score di 5-3 contra Steelers! Shonnan keda pendiente pasobra t’awo e cos aki a cuminsa stoba!
