Diabierna anochi a drenta informe di cu un chauffeur ta coriendo tras di e auto cu lo a dal e y sigui core bay y nan ta den Sabana Liber, mesora a dirigi patruyanan na e area. Despues a drenta otro informe si cu aki ta trata di e Kia Cerato shinishi A38728 y ta purbando pa despista esun siguiendo su tras den area di Montaña. Un rato despues polis ta logra blokea e auto pa asina e para y a logra haci esey banda di Huan Zhan. Eynan polis a atende cu e chauffeur pa su cobardia. Mirando cu e daño ta limita y tur papel ta na ordo a djies pidi pa e roadservice di seguro mes bin atende cu e accidente. Afortunadamente ningun hende a resulta herida.