Diabierna anochi a drenta informe di un bringamento formal y posiblemente tin machete envolvi na un cas na Moko, mesora a dirigi varios patruya na e sitio. Na yegada di e patruya a bin topa un persona tur rabia cu un machete reclamando, polis mesora a interveni y a kita e machete y a detene e persona. Lo ta asina cu dos dia prome e cacho di e habitantenan di e cas ey a laga nan 2 cacho brabo los riba caya y esakinan a bay ataka ferozmente un dama cual pa su salud ta cana banda di su cas mes. E cachonan brabo aki a morde e dama na varios parti di su curpa lagando e seriamente herida y cu ambulans mester a hib’e hospital. Polis a detene e persona y a confisca e machete.