Diadomingo mainta a drenta informe di un accidente cu hende herida na un cruzada pariba di ex-Morgan’s Island, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre dos auto riba un crusada cu borchi di trafico unda un e taxi TX104 no a duna preferencia. E impacto a causa cu e taxi a kentel. E chauffeur taxista ta paciente cu ta sufri di curason. E forma cu el a keda benta den e taxi a pone cu un hende a logra drenta pa yud’e mientras yudansa tabata na caminda. Polis a nota cu lo ta complica pa saca e victima y a solicita presencia di e ekipo di rescate di bombero. Paramediconan di ambulance a yega tambe y a atende cu e dos muchanan levemente herida y e chauffeur di e auto Getz. Ora cu ekipo di rescate a yega a logra saca e señora bao supervision di e rescatistanan di bombero. E señora tabata na tino pero por a mira si cu e tabata tin man na su curason. Polis di trafico a presenta pa haci investigacion.
