Dialuna atardi a drenta informe di un accidente cu hende herida riba e caminda di Tanki Flip pa Hato, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e dama chauffeur di un Volkswagen bayendo pabao no a regula su velocidad ni a mantene distancia a bay dal tras di un Suzuki APV minivan. E impacto tabata fuerte y e chauffeur di e minivan a resulta herida y tabata keha di dolor di lomba. Na yegada di e ambulans nan a atende cu e victima na e sitio mes.