Diaranson anochi a drenta informe di un caso di tiramento na Savaneta, mesora a dirigi tanto polis como ambulans na e sitio. Na yegada a bin compronde segun testigonan cu a haya un hoben tira den stoma benta abou riba caminda pa tanki di Savaneta. Na yegada di ambulans a atemde cu e victima y a transporte pa hospital. Segun por a compronde na e sitio e hoben lo a drenta auto cu 3 otro persona y dado momento nan a tire cu arma di candela y e lo a bula for di e auto pa scapa su mes. Polis a sera team investigativo y a buska pa e sospechoso y a logra detene un persona cu lo a tire den stoma. Mas den anochi a ricibi e tristo noticia cu e hoben a fayece debi na e herida di tiro ricibi. Polis tini e caso bou investigashon pa haya e otro 2 personanan cu tabata den e vehiculo. Nos di Awe24.com ta manda palabra di profundo condolencia na famianan di e fayecido.