Dialuna mainta a drenta informe di un accidente cu hende herida na Bernardstraat. Mesora a dirigi tanto polis como ambulans na e sitio. Na yegada di e patruya a bin compronde cu un chauffeur di un pick up blanco lo no a regula velocidad ni mantene distancia y a dal tras di un Kia Picanto shinishi. Debi na e impacto aki e dama den e Kia Picanto a resulta herida. Na yegada di e ambulans nan a atende e victima.
