Dialuna mainta a drenta informe di cu tin un auto cu a bolter pabao di e Arucamba Snack Truck na Tanki Flip, mesora a dirigi un patruya na e sitio. Na yegada di e patruya a tuma nota cu e motor di e auto ta frieuw indicando cu esaki lo a pasa mas tempran den madruga. Buscando mas informascion a logra saca afor cu esaki a sosode banda di 3:20 di madruga unda e chauffeur a dal e acera subi drenta un pida mondi pasa banda di un transformerhuis y kentel den banda bay di un mata di kwihi. E chauffeur tabata para riba su pia pafor cu algun herida. A pidi ambulans pa atende e victima, pero su heridanan no tabata necesario pa e bay hospital. Polis a hiba e chauffeur su cas. E chauffeur a fia e auto aki for di un amigo y a accidenta cun’e lagando esaki na werki.