Diasabra mainta a drenta informe di cu un auto lo a dal un ciclista y e ta herida panort di Jacinta Kleuterschool na Pindastraat, mesora a dirigi tanto polis como ambulans na e sitio. Na yegada di e patruya ya caba ambulans tabata na e sitio atendiendo e victima. Na prome instante polisnan tabata busca testigo di locual cu a pasa pasobra polis no a haya ningun vehiculo cu lo por a dal e y riba e bicicleta mes no por a mira ningun prueba cu e auto lo a dal e y a deduci cu e mes lo por a cay tambe. E caida a ocasiona lesion na su cabes y tabata sangra porfusamente. Ambulans a atende e victima y a bay hospital cun’e.