Ladronnan cu intento serio di comete kiebro pa ladronicia na Sole

Diaranson anochi a drenta informe di un caso di Intento di kiebro cu intencion pa ladronicia na Sole na Plaza Daniel Leo, mesora a dirigi un patruya na e sitio. Na yegada di e patruya a bin compronde cubaki ta trata di un caso unda ladronnan a kibra e glas di e negoshi. E miembro di seguridad cu a yega 10or a topa e situacion. Cu dos bloki a purba kibra e vitrina. A kibra e glas pero no por a drenta e negoshi. Polis a tuma declaracion na e sitio. Dos blokinan usa pa e ladron tambe tabata benta abou. A keda di bay draai e camara di seguridad. Eynan lo por mira e ladron den accion. E doño a splica cu e glas kibra tin un balor di 2500 florin. Awor mester pone seguridad pa cuida e lugar y saca 2500 pa glas nobo. Mal forma di habri aña.

Share:

Leave a Reply

Your email address will not be published.