Diaranzon madruga a drenta informe di un caso di ladronicia for di turistanan di Brasil banda di e hotzone na Palm Beach, mesora a dirigi patruyanan na e sitio. Na yegada di e patruya a haya descripcion di e ladron y a inicia un buskeda unda un rato despues a topa cu un sospechoso cual tabata cuadra cu e descripcion duna y a detene. Polis a compronde cu e ladron tabata tin e pertenencianan di e turistanan den su poder y den un pida mondi den cercania polis a logra haya e tas. Polis a debolbe e turista su tas cu su pertenencianan, e turistanan brasilero a keda masha agradecido na polis y a comenta cu na nan pais nan lo no lo a haya nan pertenencianan bek.