Diasabra merdia a drenta informe di un accidente cu hende herida pariba di e rotonde Tanki Flip, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di e Kia Rio hatchback no a ripara cu e Suzuki Jimny su dilanti a para y a bay dal tras di esaki. Debi na e impacto e chauffeur di e Kia Rio a resulta herida, na yegada di e ambulans nan a atende e victima na e sitio mes.