Diaranson anochi a drenta informe di cu tin un Mitsubishi Lancer blanco coriendo masha malo mes riba caminda na Cura Cabay, mesora a dirigi un patruya na e area. Un rato despues a drenta otro informe indicando cu e auto a bay para na e drive-thru di un fastfood. Polis na su yegada a nota e auto den e fila y a warda nan caba di atende pa djey nan a enfrente. Polis a para e auto y a test e chauffeur y esaki a supla “0” es decir no tin alcohol den su curpa. E chauffeur a bisa cu e tabata core normal polis a check e papelnan di auto y tur esakinan tabata na ordo polis a bisa pa e core trankil y e por sigui su caminda.