Diadomingo madruga a drenta informe di un accidente cu hende herida riba Watty Vos Boulevard entre rotonde Cumana y Rotonde Sero Patrishi. Mesora a dirigi tanto polis como ambulans na e sitio. Na yegada di e patruya a bin compronde cu un dama chauffeur di un Nissan March shinishi lo a dal den un brommer cu tabata tin dos persona riba dje, y a sigui core pusha nan te ora a yega na e vangrail. E impacto tabata fuerte y a causa daño material. Na yegada di e ambulans nan a atende cu e personanan riba e brommer. Polis a hasi algo-test cu e chauffeur di e Nissan March y esaki lo a mustra cu e chauffeur lo tabata bao influencia. Polis a detene e dama y vehiculo di transporte a hiba e detenido pa Warda di Polis.