Aruba, November 3, 2023.
Manera ta custumber pa hopi aña caba, e club di natacion Aruba Dolphins Swimming ta organisa
su competencia internacional jama Aruba Dolphins Invitational.
E aña aki nan ta celebrando nan di 21 aniversario organisando e competencia.
Un cantidad di no menos cu 330 atleta di 13 diferente equipo representando 4 pais lo bataya e fin
di siman aki na Piscina Olimpico Roly Bisslik pa mira ken lo bira campeon di e 21th Aruba
Dolphins Invitational.
Preparacion di e landadornan a cuminsa for di comienso di e aña escolar y expectativanan ta
halto. E equiponan di exterior cu lo ta presente ta Barracudas Aquatics Club y Delfins Swim
Club di Bonaire, Typhoon Swimming Team, Sithoc Swim Club, Curacao Sharks Aquatics,
Bulado Swim Club y Orca’s Swim club di Curaçao y Carib Swim Team di St.Maarten
Giants Aquatics, Stingray Swimming, Sports 4 U, Barracuda Synchro y Aruba Dolphins ta e
equiponan cu lo representa Aruba.
E programa ta como lo siguiente:
Diabierna atardi 3 november 2023 warm-up lo start 5 pm
Apertura y desfile lo ta 6 pm y pa 6.30 pm e careda nan lo inicia.
Diasabra 5 november 2022 parti mainta warm-up lo start 8.30 am y careda lo inicia 9.30 am
Diasabra 5 november 2022 parti atardi warm-up lo start 5 pm y careda lo inicia pa 6 pm
Diadomingo 6 november 2022 warm-up lo start pa 8.30 am y careda lo inicia 9.30 am.
Entregamento di premio lo tuma lugar diadomingo merdia despues di e competencianan na
piscina mes.
Un danki ta bai na tur nos sponsors nan pa por haci e competencia aki uno posibel
Aruba Airport Authority, Banco di Caribe, Bon Bini Cargo, Tri-Bike Aruba, RDA, Setar,
Metacorp, Web Aruba NV, Elmar Aruba, UTLT General Contractor NV, Grant Thornton, Jeg
Trading, Hotel Hyatt. Andina Ice, PBS, Clear Kayak, Meteoro, Fundacion Lotto pa Deporte,
Patrick Sound Entertainment, TBS Brassband, Richelle Beauty Vision, Arulaser.
Directiva di Aruba Dolphins Swimming And Waterpolo Club ta invita pueblo di Aruba pa bin
presencia e competencianan di natacion aki cu ta priminti di bira uno sumamente interesante.