Diasabra anochi a drenta informe di un pelea patras di Silla Bar Restarant na Caya Zuster Candidastraat, mesora a dirigi patruyanan na e area. Na yegada di e patruya a bin compronde cu 3 hoben aparentemente di Dakota lo a yega di sorpresa agredi e otro 2 hobennan aki y nan a purba defene nan mes pero na dado momento e trio lo a mustranan un arma di candela y nan a core bay un di nan a bay patras di Silla Bar e otro a core bay te na watertoren. Polis a rondea den e area pero no a bin encontra cu e trio agresor aki. Polis a hiba ambos warda di polis pa eynan tuma e detayenan un poco mas trankil incluso esun cu a ricibi un hinca den lomba.