Despues di tabata malo pa e ultimo temponan aki awe Aruba a ricibi e tristo noticia di fayecimento di nos gran amigo Yubi Naar cu a fayece na Hospies na Brazil. Hubert Cornelis Naar “Yubi” a nace na Aruba dia 23 di januari 1943 y a fayece awe 5 di januari 2024. Nos di awe24.com ta extende nos mas sincero palabranan di condolencia na su famia pero tambe su coleganan cu tabata tin e honor di a traha cun’e sea den ramo Teatral, Carnavalesco y principalmente Periodistico. Pa esnan cu no conose e ta un persona inteligente, humoristico y cu hopi talento. E tabata un amigo manera un ruman pa tur esnan cu a traha cun’e. Yubi un gran persona semper nos lo recorde den nos mente y Curason.