Diabierna madruga a drenta informe di un problema na un club nocturno na Palm Beach, mesora a dirigi un patruya na e sitio. Na yegada di e patruya a bin compronde cu e persona a caba di bay den un Mercedes Benz sin lus cendi direccion pariba. Polis mesora a sali bay su tras. Na altura di Sabana Liber polis a logra di para e chauffeur. A bin resulta cu e auto tin un fayo electrico pa cual motibo e lus no ta traha y como e chauffeur no ta biba leu for di eynan polis a compañe pa su cas y a bis’e pa e no core cu auto sin lus ya cu esaki ta pone peliger den trafico.