Parada di mucha di Oranjestad a cuminsa cu hopi ambiente pa exactamente 1’or di merdia Cuerpo Policial conhuntamente cu SMAC a haci e inicio di e parada.

E parada a conta cu 6 grupo y den totaal di 1172 participante.

Diferente departamento di KPA tabata riba pia manera; Polis uniforma, recherche, Mobiele Eenheid, AE, Comando Mobiel, Flex team, K9 Unit, Polis di trafico, personal di CEA y nos personal administrativo.

Pa 5:34 di atardi e cabez a yega ex-DOW. Pa 6:40 atardi e parada e yega su final.

Polis ta informa cu tabata tin un total di 8 detencion di cual 4 ta menor di edad.

E detencionnan ta pa arma blanco, no sigi ordo di polis y droga.

Aña 2023 tabata tin solamente 2 detencion.

A CONTROLA 120 AUTO Y A DETENE 5 CHAUFFEUR

Durante parada di mucha na Oranjestad Unidad Motorisa a tene su controlnan prome, durante y despues di parada.

A para na diferente puntonan strategico na unda a controla un total di 120 auto. Durante e control encuestion a detene 5 chauffeur manehando bao influencia di alcohol.

Di e 5 chauffeur 4 a perde nan rijbewijs.

Cuerpo Policial ta informa cu controlnan lo sigui. Un biaha mas ta keda recorda pa percura pa bo documentonan ta na ordo y si bo ta stuur no bebe.

Ban ta mas responsabel den trafico .