Diadomingo atardi laat a drenta informe di un accidente cu hende herida pabao di e viaduct riba E.J. “Watty” Vos blvd. yegando Bushiri, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di e Kia Picanto pa un motibo of otro a perde control bay na man drechi dal riba e vangrail y kentel den banda. Den e auto tabata tin un dama un caballero y tambe un baby di un aña cu tabata yora sin fin cu e bolobonchi na su cabes. Na yegada di e 2 ambulansnan nan a atende tur 3 victima y a bay cu nan pa hospital.