E dos scolnan di Aruba cu a clasifica pa e Weganan Interinsular, preparando intensamente pa por duna nan mihor durante di e competencianan otro siman di Trefbal.

E scolnan di Colegio San Hose y Colegio Felipe B. Tromp ta manda nan miho atletanan pa e bataya. Bou e guia di Jean Pierre Castaño, Joanne Angela Croes, Giancarlo Carpiles y Carina Tromp, e ekiponan lo pone tur nan energia durante kada wega pa asina asegura nan exito riba e tereno.

Di 29 di Februari te cu 2 di maart, e dos scolnan aki lo enfrenta nan contrincantenan di Bonaire y Curaçao y ta promete di bay pone tur nan esfuerso den kada wega pa asina lanta e bandera di Aruba cu orguyo.

Trefbal no ta solamente un deporte, IBiSA ta trahando duro cu e ekiponan pa nan ta bon prepara pa e encuentronan. Nos ta wak dilanti pa e grandioso reto cu nos ta enfrenta, y nos ta sigura cu e dos teamnan local ta duna di nan tur riba tereno.