Diabierna anochi a drenta informe di un accidente cu hende herida na crusada caya ing. Roland H. Lacle cu Van Leeuwenhoekstraat, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di un auto Nissan shinishi lo a sali dilanti e ciclista cu lo tabata tin preferencia y a dal e bente abao. Debi na e caida e ciclista a resulta herida. Na yegada di e ambulans nan a atende e ciclista mientras e chauffeur mes a bandona e sitio. Nan a atende e victima y a transporte pa hospital.