Dialuna mainta a drenta informe di un accidente cu hende herida na Pieter Boerstraat na Cura Cabai. Mesora a dirigi tanto polis como ambulans na e sitio. Na yegada di e patruya a bin compronde cu un motorciclista lo a slip, perde control y a bai dal duro riba un auto staciona na banda. Debi na e impacto e motorciclista a resulta herida cu corta na cara. Ambulans a atende cu e victima y a transport’e pa hospital. Polis a tuma datos di e accidente aki.