Den ora nan di dialuna mainta, Centro Operacional Maritimo di Wardacosta a capta un mensahe di emergencia via di canal VHF 16. Ta trata di un boto tipo charter cu 5 persona abordo pidiendo asistencia riba lama. E boto tawata nabegando den awa nan di Aruba y di un momento pa otro awa a cuminsa drenta den e boto. Inmediatamente a pidi asistencia di e helicopter di Wardacosta pa asina monitor e situacion y simultaneamente dos unidad di Metal Shark a sali for di Savaneta pa yuda.
Diferente boto di piscado den e area tambe a tuma nota di e mensahe riba canal 16 y nan tambe a bai den direccion di e boto pa asina por yuda debidamente.
Hunto cu e unidad nan di Metal Shark y diferente boto den becindario, a logra di compaña e boto pa asina e por yega ‘safe and sound’ ta na pier di Renaissance marina.
Un danki ta bai na tur boto cu a asisti durante di e mision di rescate aki. Esaki ta demostra con hunto cu comunidad riba lama nos por zorg pa siguridad maritimo. Hunto nos ta fuerte.
Charterboot met vijf personen aan boord die om hulp vroeg op zee.
Vanmorgen ontving het Maritiem Operationeel Centrum van de Kustwacht een noodbericht via VHF-kanaal 16. Het betrof een charterboot met vijf personen aan boord die om hulp vroeg op zee. De boot voer in de wateren rond Aruba toen er plotseling water in de boot begon binnen te stromen.
Onmiddellijk werd de hulp van de helikopter van de Kustwacht ingeschakeld om de situatie te monitoren. Tegelijkertijd vertrokken twee Metal Shark-eenheden vanuit Savaneta om assistentie te verlenen.
Verschillende vissersboten in de omgeving hadden het noodbericht op kanaal 16 ook opgevangen en begaven zich eveneens naar de locatie van de boot om hulp te bieden.
Samen met de Metal Shark-eenheden en de verschillende boten in de buurt slaagde men erin de boot veilig te begeleiden naar de steiger van de Renaissance Marina.
Onze dank gaat uit naar alle boten die hebben geholpen tijdens deze reddingsmissie. Dit toont aan hoe wij samen als maritieme gemeenschap kunnen zorgen voor veiligheid op zee. Samen staan we sterk.
